Prokuroria e Gjilanit ndalon një person për kanosje, ngre dy aktakuza për kanosje dhe dhunë në familje

Gjilan – Prokuroria Themelore në Gjilan ka njoftuar se gjatë 24 orëve të fundit, me urdhër të prokurorit të shtetit, është ndaluar një person në kohëzgjatje prej 48 orësh, ndërsa janë ngritur edhe dy aktakuza ndaj dy personave për vepra të ndryshme penale.

Sipas njoftimit të Prokurorisë, një person është ndaluar si i dyshuar për veprën penale “Kanosje”, e paraparë me nenin 181 të Kodit Penal të Republikës së Kosovës.

Ndërkaq, më 8 qershor 2026, Prokuroria Themelore në Gjilan ka ngritur dy aktakuza. Njëra aktakuzë është ngritur kundër një personi për veprën penale “Kanosja”, ndërsa aktakuza tjetër kundër një personi për veprën penale “Dhuna në familje”.

Prokuroria ka bërë të ditur se do të vazhdojë trajtimin e rasteve penale në përputhje me kompetencat ligjore dhe në bashkëpunim me institucionet përgjegjëse të rendit dhe sigurisë./rajonipress/