Prokuroria e Gjilanit ndalon dy persona dhe ngre një aktakuzë për lëndim të lehtë trupor

Gjilan – Prokuroria Themelore në Gjilan ka bërë të ditur se gjatë 24 orëve të fundit ka ndaluar dy persona me urdhër të prokurorit, në kohëzgjatje prej 48 orësh, si dhe ka ngritur një aktakuzë ndaj një personi.

Sipas njoftimit, njëri nga të ndaluarit dyshohet për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, ndërsa personi tjetër dyshohet për veprën penale “Pengimi i personit zyrtar në kryerjen e detyrave zyrtare”, sipas Kodit Penal të Republikës së Kosovës.

Ndërkaq, Prokuroria Themelore në Gjilan ka ngritur edhe një aktakuzë ndaj një personi për veprën penale “Lëndim i lehtë trupor”.

Autoritetet nuk kanë bërë të ditur identitetin e personave të përfshirë, ndërsa procedurat ligjore ndaj tyre janë në vijim./rajonipress/