Projekte të shumta po realizohen në komunën e Vitisë

Viti – Kështu tha kryetari i komunës së Vitisë Sokol Haliti, gjatë inspektimit të punimeve infrastrukturore që po kryhen në territorin e komunës së Vitisë.

Edhe pse ditë e diel, Haliti ka vizituar punimet në asfaltimin e rrugëve te Sokoltë në fshatin Verban. Poashtu ka vizituar fshatin Gërmovë ku është asfaltuar terreni sportiv i këtij fshati.

Haliti gjatë ditës i shoqëruar nga bashkëpunëtorët ka vizituar edhe fshatin Radivojc ku është bërë rivitalizimi i fushës së këtij fshati e cila gjendet në oborrin e shkollës.

Ai poashtu ka vizituar edhe projektet që po realizohen në fshatin Beguncë ku janë asfaltuar tri rrugë:Rruga te lagjeja Rexhepi, rruga tek shkolla e re e fshatit dhe një segment i rrugës që lidhet me rrugën kryesore të fshatit.

Gjatë ditës së sotme kryetari Haliti ka pritur edhe një grup investitorësh në krye me inxhinierin e kompanisë “Montmasson” Christian Doche, ku është biseduar për mundësinë e investimeve për zgjidhjen e problemeve të ujërave të zeza./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).