Programet ekonomike janë ndihmesë e madhe për ri-integrimin më të lehtë të të kthyerve

Gjilan – Zyra për Komunitete dhe Kthim, në bashkëpunim me Këshillin Danez për Refugjatë (DRC), ka organizuar sot në Gjilan një trajnim me përfitues të granteve, të cilët në cilësinë e familjeve të kthyera, janë ndihmuar për t`u ri-integruar sa më lehtë në aspektin ekonomik.

Në komunën e Gjilanit, nga ky program që është i destinuar për komunitete të kthyera në viset rurale, grante në vlerë deri në 1000 euro, kanë përfituar dhjetë familje.

Berat Abdiu nga organizata UBO consulting në Prishtinë, nënkontraktuese e këtij programi për të kthyerit, i cili financohet nga Ambasada Amerikane në Beograd, ka thënë se qëllimi i këtij projekti është integrimi ekonomik i të kthyerve.

Granti, në vlerë deri në 1000 euro për një përfitues, përmban pako për shpezëtari dhe të tjera, ndërsa trajnimi ka për qëllim përgatitjen dhe aftësimin e përfituesve për t`i zhvilluar këto programe të biznesit.

Në këtë cikël, që është i treti me radhë, Gjilani është njëra ndër tri komunat përfituese, ka thënë Abdiu.

Pjesë e pakos së këtij programi, janë edhe këshillimet tremujore për përfitues të granteve si dhe mbikëqyrja e biznes-planit përgjatë një viti.

Programet ekonomike, janë një ndihmesë e mirë për ri-integrim më të lehtë të kthyerve në shoqërinë kosovare./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).