Profesori Sabri Tahiri zbulon një detaj interesant për Selami Hasanin: Ishte donator i njohur dhe kontribuues për mbajtjen gjallë të arsimit në Gjilan e më gjerë

Gjilan – Profesori dhe intelektuali gjilanas Sabri Tahiri, e ka përkujtuar Selami dhe Edmond Hasanin, në rrjetet sociale, derisa ka dhënë një detaj interesant për të ndjerin Selami Hasani. Sipas tij Selamiu në kohët më të vështira të okupimit ishte donator i njohur dhe kontribuues për mbajtjen gjallë të arsimit në Gjilan e më gjerë.

Postimi i plotë:

Me pikëllim të thell morëm lajmin për vdekjen tragjike të babë e djalë, Selami dhe Edmond Hasani. Në atë sulm humbi jetën edhe miku i tyre dhe dhëndri u plagos rend.
Kjo vrasje shokoi tërë Gjilanin dhe Anamoraven, që njihen si rajon i qetë dhe me kulturë të veçantë bashkëjetese!

Selamiun e kisha shok e mik të vjetër. Ai ishte një djalë i qetë, familjar dhe njeri shumë i këndshëm, e i shoqërueshëm me të gjithë.

Selamiu në kohët më të vështira të okupimit ishte donator i njohur dhe kontribuues për mbajtjen gjallë të arsimit në Gjilan e më gjerë.

Me këtë rast i shprehu ngushëllimet më të sinqerta dy familjeve të prekura Hasani e Hoxhaj, në këtë tragjedi dhe uroj shërimin e të plagosurit.

Lamtumirë shoku Selami!