Profesori 60 vjeçar dashurohet me nxënësen, fillojnë hetimet

Ky, është një rast që ka ndodhur në universitetin e Urbinos, Itali. Profesori është 60 vjeç dhe i ka dërguar një shënim nxënëses, shënim që më pas u bë publik.

Profesori do të thirret të japi shpjegim publikisht për këtë. Deklarata e dashurisë ishte kjo: “Sot dëshiroja të të thoja disa gjëra, por nuk më duket e mundur, shih nëse mund të takohemi vetëm. Për momentin dëshiroj vetëm të të them se të dua shumë”.

Por ja që vajzës nuk i ka pëlqyer kjo deklaratë, e ka fotokopjuar dhe e ka shpërndarë në të gjithë universitetin, si për të treguar imoralitetin e mësuesve.

Profesorët kanë ngritur tashmë një komision të brendshëm si dhe kanë nisur hetimet mbi sa ka ndodhur. Ata kanë dëgjuar edhe docentin që ka kërcënuar denoncim për shpifje. Profesori pritet që të dalë publikisht dhe të flasë për ngjarjen, si dhe parashikohet të merren masa për shkelje të kodit etik, transmeton NOA.

Por stuedentët e universitetit janë të ndarë në mendimet e tyre. Ka nga ata që e dënojnë gjestin e profesorit si të papërshtatshëm për moshën dhe rolin e tij. Të tjerë dëshirojnë që të mos dënohet, tek e fundit ishte një gjest në thelb pozitiv. Ai nuk ka bërë keq dhe madje shpreh respekt edhe për dëshirën e vetë vajzës.