Profesorët nga Universiteti i Pekinit vizituan UBT-në

Prishtinë – Presidenti i UBT-së, Edmond Hajrizi, ka pritur në një takim të veçantë profesorin e njohur kinez Shiming Fan, dhe kolegun e tij, nga Universiteti i Pekinit, nga shteti i Kinës.

Gjatë takimit, palët e të dyja vendeve biseduan për nisjen e bashkëpunimit në mes dy institucioneve universitare, me qëllim për ndërlidhjen e sektorit të arsimit universitar në mes të UBT-së dhe Universiteti të Pekinit.

Presidenti i UBT-së, para mysafirëve, ka folur për zhvillimet dhe të arriturat e UBT-së dhe ka shprehur interesimin e zgjerimit të bashkëpunimit me partnerë nga Kina.

Shiming Fan, dhe kolegu i tij, janë impresionuar nga faktet e treguara dhe gjetën mirëkuptimin e bashkëbiseduesit për ta nisur bashkëpunimin sa më parë.

Profesorët nga Kina, përveç takimeve dhe vizitës që i bënë UBT-së në Prishtinë, vizituan edhe disa qytete tjera në Republikën e Kosovë./rajonipress/