Profesorë të UKZ pjesëmarrës në aktivitetet e programit EUFORIA në Nottingham Trent University

Në kuadër të programit të Bashkimit Evropian ERASMUS+, Univeristeti Publik “KadriZeka” është pjesë e projektit EUFORIA, i cili ka për qëllim që të ngris kapacitetet e universiteteve për të përshtatur planet e studimit në harmoni me nevojat e tregut. Në vazhdën e aktiviteteve të këtij projekti, në Nottingham të Mbretërisë së Bashkuar, gjatë kësaj jave po mbahet punëtoria për zhvillimin e kurikulës, e organizuar nga profesorët e Nottingham Trent University dhe ata të Sttafordshire University.

Nga Universiteti Publik “Kadri Zeka” në këtë program po marrin pjesë: Prorektori për Buxhet dhe Financa, Naim Mustafa, Prodekani i Fakultetit Ekonomik, Xhevat Sopi dhe profesori nga Fakulteti i Shkencave Kompjuterike, Artan Dërmaku.

Në kuadër të punëtorisë, janë mbajtur sesione për zhvillimin e kurikulës, bazuar në parimet e Bloom’s Taxonomy, Staffordshire Graduate Attributes, si dhe për modelet e përgatitjes së kurrikulës dhe metodave të vlerësimit sipas praktikës së Nottingham Trent University. Gjithashtu, pjesëmarrësit kanë pasur sesione bashkëbisedimi me studentët e këtij universiteti të cilët kanë treguar për përvojat e tyre në universitet dhe se si ata kanë arritur që njohuritë e fituara t’i aplikojnë në tregun e punës.

Në këtë punëtori kanë mbajtur leksione: Marina Dabiç, John Bugleardhe Thomas Graham nga Nottingham Trent University si dhe Iraj Hash dhe Jana Fiserova nga Staffordshire University.

Nottingham Trent University, ka fituar çmimin “Universiteti i Vitit” në Mbretërinë e Bashkuar, për vitin 2017./rajonipress/