Pritet seancë e nxehtë vjeshtore, Bujar Nevzati ka disa pyetje për Lutën

Gjilan – Bujar Nevzati këshilltar komunal nga radhët e PDK-së me padurim po e pretë ditën e martë për të takuar siç thotë ai kryetarin e Gjilanit dhe për ta pyetur për shumë çështje që e preokupojnë qytetin dhe qytetarët e Gjilanit. Nevzati tha se Lutën do ta pyes për ndërrimin e drejtorëve, akuzat publike që i bëri ndaj PDK-së, ndërtimet pa leje, tenderët e komunës, lumin Mirusha, ekskursionin e nxënësve, pranimin e punëtorëve pa konkurs etj.

Bujar Nevzati thotë se nesër (e marte) në seancën e parë vjeshtore, presim që Kryetari të merr pjesë në seancë ( kuptohet nëse nuk e improvizon ndonjë vizite jashtë shtetit ose ndonjë pritje të ndonjë Ambasadori ) dhe të na tregoi arsyen e ndërrimit të drejtorëve të drejtorive Komunale.

“Po ashtu të na njoftoi me akuzat publike që i ka bërë PDK-së, lidhur me shpërthimin e gomave të automjeteve zyrtare para disa dite. Kur dihet se automjetet e Komunës janë në vëzhgimin e kamerave dhe rojeve të komunës 24 orë. Gjithashtu të na tregoi me ndërtimet pa leje në Komunë. T`i njoftoi këshilltarët me, tenderët e Komunës, me lumin Mirusha, çka është ka ndodhë ? Të na njoftoj me Semaforët e Qytetit, çka është ka ndodhë, me Ekskursionin e nxënësve, me pranimin e punëtorëve pa konkurs në Komunë” thotë Nevzati.

Nevzati tha se do ta pyes kryetarin edhe për punësimin e familjarëve të zyrtarëve të lartë të Partisë e Komunës në Higjiena e Hidromorava ! “Po ashtu presim të na njoftoi sa Miliona investime i ka sjell Komunës nga Qeveria, se na ka lodhë me deklarata shterpe se Qeveria, tash i ka kthye sytë dhe mendjen ka Gjilani, si dhe me shumë probleme tjera që do t`i ngrisim nesër në seancë, duke mos harruar as stilin e tij se po merret me politika nacionale” ka ironizuar Nevzati./rajonipress/