Prishtina mposht Gjilanin në Drenas

Gjilan – Skuadra e Gjilanit nuk ka arritur të rikthehet në Gjilan me rezultat pozitiv në ballafaqim me Prishtinën, e cila ndeshjet e saja i zhvillon në Drenas, duke u mposhtur me rezultat 2-1.

Futbollistët e Gjilanit në këtë ndeshje ishin të hendikepuar pa 6 futbollistë standard të saj, por gjatë 90 minutave djelmoshat e trajnerit Arbnor Morina, në asnjë moment nuk qenë indiferent ndaj skuadrës nga kryeqyteti.

Në një mot tejet të vështirë, futbollistët e Prishtinës ishin të parët që rrezikuan në minutën e 5 e 10, nëpërmjet Mankendës.

Rast të mirë patën edhe në minutën e 23-të, kur Ahmed Jonuzi gjuan pranë portës së Kaciut.

Prishtinasit golin e epërsisë e shënojnë në minutën e 27-të, së pari gabon portieri i Gjilanit, Kaciu, e këtë më së miri e shfrytëzon Mankenda i cili nga 15 metra gjen rrjetën e Gjilanasve.

Kur të gjithë menduan se pjesa e parë do të përfundon me epërsinë e Prishtinasve, mbrojtësi Armend Thaçi harkon mjaft mirë gjerë tek Gëzim Rusi i cili nuk i mbetet tjetër përpos ta plason topin në rrjetën e portierit Bekaj.

Golin e fitores futbollistët e Prishtinas e shënojnë në minutën e 62-të, pasiqë Jonuzi përfiton nga gabimi i mbrojtësve të Gjilanit i cili nuk e pat të vështir ta lenë të shtangur portierin Kaciu.

Futbollistët e Prishtinës kanë mundur të rrisin epërsinë në minutën e 87-të, kur futbollisti Bozoviq dështon i vetmuar përball portierit Kaciu.

Trajneri i Gjilanit, Arbnor Morina, pas kësaj humbje e cila nga 17 javët ishte e dyta deklaroi.
“Jam i kënaqur me angazhimin e futbollistëve luajtëm pa 6 futbollist, ne u munduam dhe ishim të barabartë, Prishtina nga tri raste dy i konkretizoi me shënim, ndërsa gabuan disa që menduam qe ne jemi dorëzuar para ndeshjes, ne ishim më të mirë se Prishtina dhe patëm me shumë nga loja”.

Në javën e fundit të stinorit vjeshtor Gjilani do të takohet me rivalin lokal, Dritën./rajonipress/