Prishtina ka gjetur “recetën” për ta mposhtur Dritën

Skuadra e Prishtinës në javën e 21 në stadiumin “Fadil Vokrri” në kryeqytet ka mposhtur Dritën me rezultat 2-0.

Pasë eliminimit nga Kupa, Prishtina edhe njëherë i ka shkaktuar humbje Dritës duke u bërë kandidat serioz për titull.

Futbollistët e Prishtinës arrinë në epërsi pas goditjes së lirë më së miri gjendet mbrojtësi Leutrim Bekteshi i cili me kokë nuk e pati vështirë ta mposht portierin Faton Malokun 1-0.

Në minutën e 37-të, sulmuesi i Prishtinës, Alban Shillova, shpërdoron rast 100% Maloku ja mohon golin e sigurt duke devijuar topin në fundore.

Në fund të pjesës së parë rast të mirë shënimi për Dritën kishte Almir Ajzeraj por topi përfundon mbi portën e Nikës.

Në minutën e 58 fati shpëton Dritën, së pari Leonit Abazi gjuan furishëm mbron Maloku topi devijohet gjerë tek Shillova i cili me kokë godet transferzalen e Malokut.

Që nga minuta e 60 futbollistët e Dritës ndeshjen e zhvillojnë me 10 futbollist pasiqë Onoka ndëshkohet me kartonin e dytë të verdhë.

Në minutën e 87-të, këtë ballafaqim e vulos futbollisti Tun Bardhoku i cili zëvendëson dy minuta më herët Abazin e lënduar, e këtë bukur e shërben Endrit Krasniqi.

Pas ndeshjes trajneri i Dritës , Ardian Nuhiu, deklaroi.
“E kemi bërë një ndeshje të mirë, na mungoi përqendrimi dhe na mungoi fati për të marrë një rezultat pozitiv”.

Ndërsa trajneri i Prishtinës, Zekirja Ramadani, pas 90 minutave është shprehur.
“Imperativ i kishim tri pikë, jam i kënaqur me fitore dhe me angazhim duhet të qëndrojmë me këmbë në tokë dhe të përgatitemi për ndeshjet e radhës”.

Drita pozicionohet në pozitën e dytë me 44 pikë një më pak se lideri Ballkani.

Në javën e 22 Drita është nikoqire e Besës së Pejës./rajonipress/

Shpërndaje.
© RAJONIPRESS