Prishtina ia shkakton Dritës humbjen e parë

Derbi i xhiros së 12-të, në Superligën e Kosovës në futboll, i ka takuar skuadrës së Prishtinës e cila mposhti Dritën me rezultat 1:2.

Pjesa e parë e derbit nuk dhuroi raste të shumta shënimi dhe u mbyll pa gola. Skuadra e Dritës në minutën e 60-të, mbeti me një lojtarë më pak në fushë, pasi Rron Broja u ndëshkua me karton të kuq.

Edhe pse me një lojtar më pak, “bardhekaltërtit” e Dritës arritën të kalojnë në epërsi. Në minutën e 84-të, Prince Balde ishte i saktë me gjuajtje nga afërsia. Por rikthimi i madh për kryeqytetasit ndodhi në minutat shtesë.

Në minutën e 91-të, Shefit Shefiti, arriti të barazoj rezultatin me një gjuajte të fuqishëm nga afërsia. Goli i fitores për Prishtinën u shënua nga penalltia.

Ajzeraj i Dritës preku topin me dorë brenda zonës, ndërsa i pa gabueshëm nga pika e bardhë ishte Leotrim Kryeziu.

Drita mbetet në krye të tabelës, me 27 pikë, pesë më shumë se Ballkani i vendit të dytë, që ka tri ndeshje më pak të zhvilluara./rajonipress/