Prishtina dhe Tirana zyrtare do të duhej të brengosen pak për zvogëlimin e votuesve Shqiptarë

Nga Refik Hasani – Domosdoshmëri imediate është që të mos vazhdohet me fshirjen dhe shlyerjen e adresave,vendbanimeve nga librat amzë të qytetareve shqiptarë të Medvegjës, Bujanocit dhe Preshevës.

Organizimi dhe mbajtja zgjedhjeve të parakohshme për Asamble Komunale të Medvegja që u mbajtën më 13 shtator 2015 nuk u zvogëluan këshilltarët Komunal shqiptarë.

Posaçërisht që zgjedhjet për Asamble të Preshevës dhe Bujanocit të mbajtura më 24 prill. Si duket Kuvendi Komunal i Bujanocit nga 41 këshilltar Komunal nga kjo legjislatur që shkoi kishte 3O këshilltarë komunal shqiptarë e tani do të mbetët me 26 këshilltarët Komunal shqiptarë. Katër këshilltarë Komunal më pakë ky është një rrezik që kemi paralajmëruar shumë më herët, prandaj këtu duhet të aktivizohet Tirana dhe Prishtina zyrtare. Interes vital është ruajtja e shumicës shqiptare që nënkupton Kryetari dhe Kryesuesi do të jen Shqiptarë.

Prishtina dhe Tirana zyrtare do të duhej të brengosen për zvogëlimin e votuesve Shqiptarë. Dy qendrat shqiptare duhet të kenë rol,detyrë dhe përgjegjësi morale, kombëtare, institucionale dhe kushtetuese edhe në këtë drejtim që të mos zvogëlohet numri i votuesve shqiptarë në këto tri komuna të kësaj Krahine.

Prishtina dhe Tirana zyrtare të bëjnë çmos të ndalin trendin e zvogëlimit të votuesve shqiptarë, që Bujanoci të mos ndjek rrugën e Medvegjës dhe Presheva të mos ndjek rrugën e Bujanocit.

Kjo është sfida që të ruhen së pari këto ulëse e pastaj edhe sfidat tjera po ashtu nuk janë të lehta. /rajonipress/