Prishet koalicioni i interesave të shumëfishta, asgjë të mirë nuk i solli Gjilanit

Gjilan – Kundërligjshmërinë dhe padrejtësinë e luftojmë, pa kompromis. Pas dështimit të seancës për të tretën herë me radhë, qeverisja e përbashkët me PDK në Gjilan ka marrë fund ka shkruar Alban Hyseni.

Ndryshe koalicioni LVV e PDK asnjë të mirë nuk i ka sjlleur Gjilanit, me përjashtim që e ka bërë lëmsh skenën politike dhe ka dëmtuar të gjitha projektet infrastrukturore në Gjilan.

Alban Hyseni ka shkruar: “Janë tri vendime, pas të cilave, të ngjashme presim të vijnë ende për votim, që po bëhen shkaktarë për ndërprerjen e bashkëpunimit.
Vendimet e konstatuara si të kundërligjshme, si dhe që favorizojnë individë e grupe të interesit janë tema që nuk diskutohen, por anulohen, pa alternativë!
Ne vazhdojmë të jemi të prerë në qëndrimet dhe parimet tona. Pavarësisht pengesave dhe barrierave të shumta nga shumë akterë, askush dhe asgjë nuk devijon misionin tonë” ka shkruar Hyseni./rajonipress/