Gjilan – Prioritet imi është para së gjithash zgjidhja e problemeve infrastrukturore (uji, kanalizimi, rrugët). Novobërda të gjitha projektet që i ka realizuar në vitin e kaluar i ka punuar në mënyrë transparente dhe në konsultim me qytetarët e saj theksoi kreu i Artanës.
Kryetari i Komunës së Novobërdës Svetisllav Ivanoviq në sallën e Kuvendit Komunal të Novobërdës ka mbajtur debatin me qytetar dhe prezantoi raportin e gjashtëmujorit të dytë, gjendjen ekonomiko – financiare dhe planet e investimeve për Komunën e Novobërdës.
Ivanoviq i falënderoi të gjithë të pranishmit për pjesëmarrje në këtë debat, dhe i falënderoi të gjithë donatorët që në periudhën e kaluar kanë ndihmuar qeverisjen lokale si në realizimin e projekteve, gjithashtu edhe në ndihmën për përmirësimin e efikasitetit të administratës komunale.
“Prioritet imi është para së gjithash zgjidhja e problemeve infrastrukturore (uji, kanalizimi, rrugët). Novobërda të gjitha projektet që i ka realizuar në vitin e kaluar i ka punuar në mënyrë transparente dhe në konsultim me qytetarët e saj” theksoi Ivanoviq.
Ivanoviq para qytetarëve në mënyrë detale ka prezantuar realizimin e buxhetit për vitin 2014.
Ivanoviq ka thënë se komuna e Novobërdës është e hapur për bashkëpunim që përveç debateve publike qytetarët munden që çdo ditë të paraqesin problemet në zyret e tij./rajonipress/
