Prindërit e Diana Kastratit kërkojnë dëmshpërblim

Prindërit e Diana Kastratit kanë bërë padi në Gjykatën Themelore, për të kërkuar kompensim të dëmeve që u janë shkaktuar si familje, transmeton KTV.

Kampanja Drejtësia dhe Qytetarët me këtë rast ka kërkuar drejtësi për të drejtat që u janë shkelur nga Institucionet e sistemit të drejtësisë duke mos e mbrojtur të ndjerën Kastrati që dyshohet se është vrarë nga ish bashkëshorti i saj A. Jashari. Gëzim Kastrati babai i Dianës shpreson se me këtë padi do të zgjidhet një herë e mirë ky proces i cili është zvarritur së tepërmi.

Më 26 shkurt Gjykata Kushtetuese dha fjalën e saj të fundit duke konstatuar se Gjykata Komunale e Prishtinës ka dështuar në nxjerrjen e një urdhri për mbrojtjen emergjente të Dianës, e që kjo është e garantuar edhe me Kushtetutën e Kosovës dhe Konventën e të Drejtave të Njeriut.