Princ Leka telefonon atdhetarin Fatlum Rushiti: Diskutohet projekti i Shqipërisë Etnike sipas modelit të United Kingdom

Princ Leka Zogu II pardje mbrëmë ka telefonuar politologun, diplomatin dhe veprimtarin e njohur të kauzës shqiptare, Fatlum Rushiti, i cili me sukses e menaxhon Lobin Botëror Shqiptar me seli në Dallas, Texas. Temë e bisedimeve kanë qenë unifikimi i shqiptarëve në një shtet demokratik sipas konceptit të Commonwealth Nations gjegjësisht United Kingdom; hapja e Bankës Botërore Shqiptare për gjithë trevat shqiptare dhe diasporën shqiptare, instalimi i kuadrove shqiptare nga Perëndimi nëpër institucionet e trojeve etnike dhe konvertimi i resurseve natyrore-energjetike-turistike në kapitale gjigante (sipas modelit fiskal ekonomik të Dohas e Dubait) që do ta përforconte në mënyrë rapide ekonominë shqiptare dhe do ta ndalonte përgjithmonë shpërnguljen e popullit nga vatrat e tyre autoktone. Modeli përfshin: Diasporën Shqiptare, Shqipërinë, Dardaninë, Iliridën, Malësinë, Çamërinë, Luginën e Preshevës, Nishin, Toplicën, Sanxhakun, Arbëreshët e Italisë dhe Zarët e Kroacisë.

I menjëhershëm ka qenë reagimi i gazetës serbe Kurir që e cilëson Fatlum Rushitin si separatist që tenton të destabilizojë Ballkanin nga Amerika nëpërmjet lidhjeve të afërta me familjen Kennedy dhe dinastinë Rockefellers, kurse projektin e etiketon si luftë për territore. Ish-kryeministri malazez Milo Gjukanoviq ka deklaruar që Lobi Botëror Shqiptar i sulmon pamëshirshëm institucionet malazeze me kode të pakapshme amerikane dhe metoda moderne kibernetike me qëllim destabilizim të Malit të Zi dhe aneksimin e Malësisë.

Truri i projektit mbarëkombëtar, Fatlum Rushiti ka deklaruar për Dallas Morning News që sulmet sllavo-greke nuk e frikësojnë, por i japin vullnet t’i fundos përgjithmonë okupatorët sllavo-grek nga tokat autoktone shqiptare. “I kam bërë të flasin me vetveten. Është humbje kohe të merresh me to. Rruga e shqiptarëve është unifikimi demokratik kombëtar,” shprehet shkurt atdhetari i famshëm kërçovar./emin gaxha/rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).