Prezantohet romani më i ri i Jusuf Buxhovit, “Jeniçeri i Fundit”

Gjilan – Të shtunën në Gjilan, në kuadër të Manifestimit tashmë tradicional “Vjeshta letrare e Gjilanit, edicioni i katërt 2013, prezantohet romani më i ri i shkrimtarit të mirënjohur shqiptar, Jusuf Buxhovit, “Jeniçeri i fundit”.

Për romanin e Buxhovit, pritet të flasin kritikët e njohur letrar, Ramadan Musliu e Nexhat Rexha si dhe vetë botuesi, Nazmi Rrahmani .

Romansieri i mirënjohur shqiptar, i cili për herë të parë prezantohet në Gjilan dhe, në Manifestimin kulturor “Vjeshta letrare e Gjilanit”, do t’ju përgjigjet edhe interesimeve të artdashësve si dhe do t’jua ofrojë romanin e tij më të ri, me një çmim shumë të volitshëm.

Kjo veprimtari letrare në kuadër të “Vjeshtës letrare të Gjilanit”, mbahet në sallën e KK të Gjilanit dhe nis në ora 12:00 – të apo siç shprehen organizatoret nga Ars Clubi “Beqir Musliu”, “Të Shtunën n’Dymbëdhjetë”./rajonipress/