Prezantohet raporti analitik mbi transparencën, integritetin dhe menaxhimin e projekteve publike në Komunën e Kamenicës

Kamenicë – Të premten para zyrtarëve komunal nga organizata NOPM (Network of Peace Movement) është prezantuar raporti analitik mbi transparencën, integritetin dhe menaxhimin e projekteve publike në Komunën e Kamenicës, i realizuar në kuadër të projektit rajonal “Qytetarët për integritet në fuqizimin e llogaridhënies lokale”, i financuar nga Bashkimi Evropian dhe i zbatuar nga KDI në partneritet me Transparency International në rajon.

Drejtori për Urbanizëm dhe Planifikim Hapësinor Uran Berisha ka falënderuar organizatën NOPM për kontributin si dhe ka përshëndetur iniciativën.

Kunsulenti i angazhuar nga kjo organizatë Fikret Ibrahimi ka prezantuar raportin analitik për dy projekte që janë në proces në Komunën e Kamenicës dhe një projekt që ka përfunduar.

Projektet që janë trajtuar në këtë raport janë pastrimi i lumenjve, pritoret e autobusëve si dhe bulevardi i qytetit.

Konsulenti ka ndarë me zyrtarët sugjerimet që ka pasur për ecurinë e secilit projekt si dhe ka falënderuar ata për bashkëpunimin e deritanishëm./rajonipress/