Prezantohet projekti i stadiumit “Gjilani 2020”

Gjilan – Dashamirët e futbollit Gjilanas nuk do t`ju kenë lakmi më në fund stadiumeve evropiane, sepse ata brenda tri viteve do ta gëzojnë stadiumin e tyre sipas standardeve të UEFA-s dhe FIFA-s.

Në një interesim të madh të qytetarëve dhe sportdashësve të Gjilanit, sot është bërë prezantimi i Stadiumit të qytetit të Gjilanit i cili është shpjeguar në mënyrë detale.

Kryetari i Komunës së Gjilanit Lutfi Haziri gjatë elaborimit të tij ndër të tjera ka theksuar. “Edhe stadiumi i vjetër i qytetit ka qenë krenari e qytetit, kemi derbin më të madh në Kosovë i cili është ranguar në UEFA, stadiumi i qytetit është një investim kapital por nuk është i vetmi investim kapital. Do të bëjmë ofertën publike, ne gjithmonë kemi mbështetur çdo gjë që është në të mirë të sportit, ndërsa ne kemi edhe fondin e ekselencës për ata sportist kulminant që prezantojnë shtetin tonë në arenën ndërkombëtare, ne do ti mbështesim me tërë kapacitetin tonë”.

Nënkryetari i Komunës së Gjilanit Rexhep Kadriu, gjatë fjalës së tij kronologjike ndër të tjera ka theksuar.”Stadiumi i qytetit të Gjilanit do ti ketë 10 000 ulëse dhe kategorizohet në shkallën e katërt, ndërsa ne kemi përzgjedhë variantin më të mirë të mundshëm që kemi në disponim”.

Përfaqësuesi i Kompanisë Unikos Projekt, Arkitekti Arbër Shita në mënyrë të detajuar ka shpjeguar ndërtimin e stadiumit.
“Stadiumi do të përfundon brenda tri viteve në qoftëse gjenden mjetet financiare, stadiumi do ti ketë të gjitha kushtet e mundshme gjithçka është paraparë në mënyrë të detajuar”.

Fillimet e ndërtimit të stadiumit priten të fillojnë shumë shpejt, ndërsa do të kushton rreth 3 milion euro./sylejman ismajli/rajonipress/