Presidentja: Po shqyrtojmë opsionet se si të ndërhyjmë për zgjidhjen e krizës

Presidentja e Republikës, zonja Atifete Jahjaga pritet të marrë rol më të fuqishëm këto ditë – në përpjekje për ta zgjidhur krizën politike në vend. Kabineti i saj, në një deklaratë për Express, konfirmoi angazhimin e Shefes së Shtetit në këtë proces.

Opozita ka bllokuar Kuvendin e Kosovës, fizikisht, duke pamundësuar mbajtjen e seancave. Në dy mbledhjet e fundit të legjislativit, deputetët e pakicës hodhën gazlotsjellës në sallë. Ata kërkojnë që Kryeministri Mustafa ta heq nënshkrimin nga marrëveshja me Beogradin në Bruksel që i hap rrugë themelimit të Asociacionit të Komunave me shumicë Serbe.

Por si mund të ndërhyrë Presidentja në këtë situatë?

“Pas zhvillimeve të fundit në Kuvend, Presidentja do të luajë rol aktiv për të tejkaluar gjendjen e krijuar ndërmjet pozitës dhe opozitës dhe po konsideron opsionet për të ushtruar rolin e saj kushtetues dhe për të garantuar funksionimin demokratik te institucioneve”, thuhet në deklaratën e Kabinetit të Presidentes së Republikës, dhënë për Gazetën Express.