Presidentja flet me popullin në Gjilan, por nuk kalon mirë

Gjilan – Atifete Jahjaga për herë të parë zyrtarisht e ka shkelur komunën e Gjilanit që prej zgjedhjes së saj si presidente. Ende pa hyrë në zyrën e Lutfi Hazirit qytetarët hallexhinj brohoritën “Presidente eja fol me popullin”. Ajo e dëgjojë këtë kërkesë, por nuk kaloj mirë pasi mori shumë akuza në adresë të pushtetarëve.

Derisa Josip Broz Tito e ka vizituar hiq më pak se katër herë Gjilanin, presidentja e vendit Atifete Jahjaga për herë të parë të mërkurën po e vizitonte Gjilanin zyrtarisht, raporton rajonipress.

Ende pa nisur ceremoninë e mikpritjes dhe pa u përshëndetur me Lutfi Hazirin presidentja dëgjojë thirrjet e qytetarëve:”Presidente eja fol me popullin”.

Qytetarët hallexhinj të revoltuar kush me protezë në trup e kush me mungesë ushqimi ditor e kanë pyetur për shumë gjëra presidenten.”Pse nuk po i arrestoni ata hajnat në institucione. Pse nuk po mendoni për popullin. Po të mos ishte deponia e bërllokut do të kishim vdekur urie” ishin ankesat e qytetarëve hallexhinj.

Jahjaga është arsyetuar me fjalët se kemi pritur edhe ne më shumë në këtë përvjetor të shtatë të pavarësisë, por po bëjmë çmos që të jemi më afër jush.

Jahjaga ndryshe nuk është prononcuar për media në zyrën e Lutfi Hazirit, meqë sipas saj ajo dëshiron të takojë edhe më shumë qytetarë e pastaj të flas./rajonipress/