Presidentja dekoron një person që kishte dëshmuar kundër shqiptarëve

Presidenca nuk i jep kohë as dokumentacion të mjaftueshëm Komisionit për verifikim të dekoratave, shkruan sot Koha Ditore.

Mujë Shabani ka bërë një ankesë në Presidencë, përmes së cilës e ka kontestuar nderimin me medaljen “Urdhri i lirisë” të Hajriz Lushtakut nga Prekazi.

Si dëshmi ai ka ofruar një aktgjykim të viti 1956, sipas të cilit Lushtaku ka qenë dëshmitar në një rast kundër tre shqiptarëve për vrasje të 6 ushtarakëve më 1945.

Lushtaku është propozuar për dekorim nga deputeti Bekim Haxhiu.