Presidenti Thaçi mirëpret lirimin e Aganit nga detyra

Presidenti i Kosovës Hashim Thaçi ka mirëpritur lajmin për lirimin e ministrit Ferid Aganit. Ai përmesnjë postimi në rrjetin e tij social ‘Facebook’ ka shkruar se ky është një shembull i sjelljes në pajtim me etiken institucionale.

Thaçi ndër të tjera ka thënë se sundimi i ligjit mbetet jetik për të ardhmen e vendit, ai edhe një herë është zotuar se askush me aktakuza apo të dënuar nuk duhet të jetë pjesë e Institucioneve.

Postimi i plotë i Thaçit:

Si president i vendit e mirëpres gatishmërinë dhe vendimin e z. Ferid Agani për t’u liruar nga detyra e ministrit, për t’u lënë organeve të drejtësisë që të kryejnë punën e tyre. Le të jetë ky shembull i sjelljes në pajtim me etikën institucionale, dhe i gatishmërisë për qeverisje të mirë. Kosova është në rrugë të mbarë të integrimit evropian dhe jemi në prag të liberalizimit të vizave. Sundimi i ligjit mbetet jetik për të ardhmen euroatlantike të Republikës së Kosovës. Si president i vendit zotohem para qytetarëve se askush me aktakuza apo të dënuar nuk duhet të jenë pjesë e institucioneve të Republikës së Kosovës. HTH