Presidenti pas heqjes se reciprocitetit: Tash presioni të drejtohet nga Serbia

Presidenti i Republikës së Kosovës, Hashim Thaçi, ka reaguar pas vendimit të fundit të Qeverisë së Kosovës për heqje të masave të reciprocitetit ndaj Serbisë.

Thaçi ka thënë se mirëpret një vendim të tillë që sipas tij është edhe heqje e pengesave që deri sot i ka përdorur Serbia për të bllokuar procesin.

Kreu i shtetit thotë se tashmë presioni do të jetë për Beogradin dhe Serbinë.

“E mirëpres vendimin e sotëm të Qeverisë së Republikës së Kosovës për heqjen e të gjitha barrierave, që Serbia deri më sot i ka përdorur si pretekst për bllokimin e dialogut për normalizimin e marrëdhënieve ndërshtetërore ndërmjet shtetit të Kosovës dhe Serbisë. Tani presioni ndërkombëtar duhet të drejtohet nga Serbia me qëllim që pa humbur kohë të rifillojë dialogu, i cili duhet të përfundojë me njohje reciproke ndërmjet dy shteteve. HTH”, ka shkruar Thaçi./Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).