Premtojnë rritje të bashkëpunimit edhe më shumë

Gjilan – Kryetari i Gjykatës Themelore në Gjilan, zoti Zyhdi Haziri ka pritur në një takim Toger Özgür Yıldırım – Komandant i KFOR-it për Komunë të Gjilanit dhe Parteshit. Ishte një dakordim i të dy bashkëbiseduesve, që të vazhdoj bashkëpunimi edhe më tutje mes Gjykatës Themelore të Gjilanit dhe KFOR-it turk.

“Ishte një takim frytdhënës me komandantin e KFOR-it për Komunë të Gjilanit dhe Parteshit, me që rast e njoftova për sigurinë e qytetarëve dhe efikasitetin e Gjykatës dhe Degëve tona. U dakorduam që të vazhdojmë bashkëpunimin me KFOR-in turk, për sigurinë e qytetarëve”, tha Haziri.

Komandanti Yıldırım ka premtuar takime më të shpeshta për rritjen e bashkëpunimit.

“Qëllimi i takimit ishte njoftimi i Kryetarit Haziri për pjesën e Gjilanit dhe Parteshit, shkëmbimi ideve, si dhe ankesat e qytetarëve. Shpresojmë që të vazhdojmë këtë bashkëpunim edhe më tutje” tha Toger Yildirim.

Me këtë rast kryetari, Haziri ka dhuruar edhe një dhuratë simbolike për komandantin Yildirim , thuhet në një njoftim të Gjykatës Themelore të Gjilanit./rajonipress/