Premtimet e papërmbushura të Thaçit

Në një ambient politik ku opozita është pasive dhe ndjek vetëm hapat e kryeministrit, analistët politikë vlerësojnë se kryeministri Thaçi shpesh jep premtime të parealizueshme.

Kryeministri Hashim Thaçi po identifikohet edhe njëherë si njeriu i premtimeve të mëdha parazgjedhore. Këtë ai e ka dëshmuar së voni edhe me fushatën e nisur disa muaj para se ajo të shpallet zyrtarisht – shkruan gazeta Tribuna.

Opinionitët e vlerësojnë fushatën e hershme të Thaçit si një skenar tashmë të njohur. Por, ata ia rikujtojnë Thaçit edhe premtimet nga vitet 2007 dhe 2010, të cilat kanë mbetur pa u përmbushur. Agron Demi, drejtor ekzekutiv i Institutit për Studime të Avancuara, GAP, ka vlerësuar se kryeministri Thaçi po dëshmon edhe njëherë për dhënien e premtimeve të mëdha të cilat, sipas tij, pastajharrohen gjatë mandatit qeverisës.

“Në fushatën e tij zgjedhore të vitit 2007 kishte premtuar se brenda 100 ditëve Kosova do të siguronte 100 njohje. Por u deshën të kalojnë 5 vjet para se një gjë e tillë të arrihej”, ka thënë Demi.

Përderisa premtimi i tij i famshëm më 2010 se për 18 muaj të qeverisjes Kosova do të fitonte liberalizimin e vizave ka mbetur një premtim në proces, të cilin po e përsërit edhe sivjet.

“Keqpërdorimi i pozitës për të bërë fushatë, sidomos në muajt e fundit, përbën një shkelje të moralit politik dhe dëmton demokracinë në Kosovë, meqë po e bën të parëndësishme një periudhë katërvjeçare qeverisëse në të cilën kryeministri do të duhej të ishte aktiv duke i shtyrë të gjitha vendimet në muajt e fundit të mandatit qeverisës”, ka thënë Fisnik Korenica, nga Grupi për Studime Juridike.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).