Prangosen dy persona për trafikim me qenie njerëzore

Gjilan – Pas një hetimi të filluar nga njësiti për Hetimin e Trafikimit me Qenie Njerëzore në Gjilan me datën 28/08/2017 është iniciuar rasti “Trafikim me njerëz”.

Pas identifikimit të viktimës, është implementuar një plan operativ, me ç‘rast janë arrestuar dy persona XH.SH dhe Sh.C. SH/K nën dyshimin se kanë kryer veprën penale “Trafikim me njerëz.

Lidhur me rastin është njoftuar prokurori i shtetit pran PTH-së në Gjilan dhe me aktvendim mbi ndalimin e të dyshuarve të lartshënuarit janë dërguar në qendrën e mbajtjes për 48 orë.

Ndërsa viktima pas intervistimit në prezencë të mbrojtësit të viktimave është dërguar në strehimore njoftoj nënkolonel Shaban Azizi./rajonipress/