Pozita sërish pa vota, deputetët nuk i votuan Komisionet parlamentare

Deputetët e Kuvendit të Kosovës të hënën votuan kundër formimit të Komisioneve parlamentare. Opozita ishte kundër mënyrës se si janë ndarë Komisionet parlamentare. Kuvendi me 58 vota për, 32 kundër votoi kundër formimit të Komisioneve parlamentare.

Visar Ymeri nga Vetëvendosje shprehu pakënaqësinë me mënyrën e ndarjes së komisioneve, duke thënë se opozita do të duhej të drejtonte më shumë komisioneve për shkak se do ta mbikëqyrnin më mirë Qeverinë.

Donika Kada Bujupi e AAK-së tha se formula e ndarjes nuk avancon demokracinë dhe mbikëqyrja e qeverisë ka mundur të jetë më e mirë nëse do të ndaheshin një komision nga pozita, një nga opozita.

Deputetë tjerë kritikuan edhe numrin e madh të Komisioneve parlamentare. Në këtë seancë, u propozuan 14 komisione parlamentare (4 të përhershme dhe 10 funksionale), të cilat nuk morën aprovimin e deputetëve. /Telegrafi/