Posedonte armë e substanca narkotike, ndalohet nga policia vozitësi me tabela të huaja

Gjilan – Është shoqëruar në stacionin policor i dyshuari mashkull shqiptar, pasi që gjatë kontrollimit të veturës së tij me tabela të huaja i është gjetur dhe konfiskuar një pistoletë me gjashtë fishek, kalibri 6 mm, 0.9 gram substancë e dyshuar narkotike e llojit marihuanë.

Po ashtu gjatë kontrollit janë gjetur 20 arka me pije alkoolike prodhim i Serbisë, të cilat mallra i janë dorëzuar doganës së Kosovës për procedim të mëtejmë. Me vendim të prokurorit, i dyshuari pas intervistimit lirohet në procedurë të rregullt njoftoj policia e Kosovës./rajonipress/