Portieri i Liverpoolit: Shaqiri, lojtari më i vështirë në stërvitje

Portieri i Liverpoolit, Andy Lonergan, ka thënë se Xherdan Shaqiri është lojtari më i vështirë në stërvitje, për shkak të goditjes së tij të fuqishme me të majtën, transmeton “Zeri.info”.

Lonergani ka vendosur Shaqirin së bashku me Mohamed Salahun, Sadio Manen dhe Roberto Firminon si lojtarët më të vështirë për t’u përballur në stërvitje.

“Ai që nuk më pëlqen fare të përballem është Shaqiri. Kur ai është duke goditur mund të bëjë çfarë të dojë me atë këmbë të majtë”, u shpreh Lonergani.

“Kur jemi duke luajtur me pesë lojtarë unë gjithmonë mendoj: ‘Të lutëm eja në skuadrën time’, sepse nëse ai është kundër jush, ai është një magjistar i vogël me finalizimin e tij”, shtoi ai. /Zëri