Portieri Haxhihamza i’a mohon fitoren Gjilanit

Në javën e XII të Superligës së Kosovës në futboll, në “dramën e futbollit”, Gjilani nuk ka arritë të marrë më tepër se një pikë ndaj Dukagjinit e më meritori për një pikë të importuar nga mysafirët ishte portieri Kenan Haxhihamza.

Futbollistët e Gjilani mbas lojës së zhvilluar nuk kanë merituar më tepër se një pike. Në pjesën e parë “kuqebardhët”, nuk kanë arritur ta rrezikojnë portën mysafire asnjëherë.

Mysafirët golin e epërsisë e kanë arritur në minutën e 33-të, Ahmet Jonuzi me një super gol mposht portierin Enea Koliqin.

Mysafirët kanë mundur shumë lehtë të vulosin fatin e kësaj ndeshje në minutën e 81-të, Shabani gjuan bukur por afër shtyllës së Koliqit.

Gjilanasit arrijnë të barazojnë në minutën e 86 nëpërmjet Gerhard Prognit në 1-1 . Në minutën e 94 pas rishikimit të VAR-it, arbitri Alban Shala sinjalizon se futbollisti mysafirë Basri kishte prekur topin me dorë.

Penalltinë e ekzekuton Progni por Haxhihamza shpëton rrjetën e tij duke mbrojtur penalltinë.

Trajneri i Gjilanit Ismet Munishi pasë 90 minutave të ndeshjes ka deklaruar. “Kundërshtari ynë bëri një lojë të mire, ne nuk u dorëzuam deri në fund, penalltia e humbur i ndodhë çdo futbollisti, skuadrën e Dukagjinit e përgëzoj për lojën e zhvilluar”. Gjilani tani ka 21 pikë, ndërsa në javën e ardhshme skuadra e Gjilanit në Gjilan e pret Prishtinën./rajonipress/

Shpërndaje.
© RAJONIPRESS