Porosia e Riadit: Luta më mirë është të heshtë?

Gjilan – Sikur të ishte raporti më i mirë i Auditorit Gjeneral për komunën e Gjilanit, atëherë Luta do të duhej të vinte dhe ta diskutonte këtë raport në seancën e Kuvendit Komunal dhe të ballafaqohej në debat me asambleistët. Dhe jo si gjithherë për temat në të cilat nuk mund të përballet ai u ik debateve dhe nuk është hera e parë kjo sjellje e tij ka thënë Rashiti derisa ka komentuar deklaratën e Lutfi Haziirt rreth auditorit thotë Riad Rashiti.

Edhe ne si opozitë e lavdërojmë raportin e Auditorit Gjeneral që ka bërë vlerësimin për punën e qeverisjes komunale të Gjilanit, por që për ne ai raport është shqetësues ndërsa për kryetarin e komunës na qenka më i miri që nga pas lufta thotë Riad Rashiti.

Rashiti shtron dilemën: “Si mund të jetë më i miri ky raport i auditorit, ku për herë të parë Auditori Gjeneral i kërkon një kryetari të komunës që të iniciojë nisjen e hetimeve për shkeljet ligjore që janë bërë në dhënien në shfrytëzim të pronës publike dhe duke e dëmtuar buxhetin e komunës për 168 mijë euro. E që këto shkelje dhe humbje ligjore janë bërë po nga vet ndërhyrjet skandaloze të Lutës, e që këtë e di fare mirë ai.”

Madje Rashiti ka edhe një porosi për Lutën:”Luta më mirë është të heshtë derisa Prokuroria Themelore e Gjilanit është në gjumë. Por sigurisht që ky rast dhe rastet tjera do ta detyrojnë Prokurorinë të zgjohet, e pastaj Luta ka çka flet edhe do të tregojë se kush është përgjegjësi kryesor për këtë rast, ai personalisht apo ndonjë vartës i tij i cili ka mundur edhe ta ketë keqpërdorur vulën dhe nënshkrimin e tij si kryetar komune”.

Sikur të ishte raporti më i mirë i Auditorit Gjeneral për komunën e Gjilanit, atëherë Luta do të duhej të vinte dhe ta diskutonte këtë raport në seancën e Kuvendit Komunal dhe të ballafaqohej në debat me asambleistët. Dhe jo si gjithherë për temat në të cilat nuk mund të përballet ai u ik debateve dhe nuk është hera e parë kjo sjellje e tij ka thënë Rashiti derisa ka komentuar deklaratën e Lutfi Haziirt rreth auditorit./rajonipress/