Porosia e Kushtrim Kadriut për Alban Hysenin: Kryetar mos bëj filma po grahi punëve!

Gjilan – Mirë që i paske zënë duke pirë duhan e alkool në komunë, mirë që u paske dhënë vërejtje. Por, kshyri edhe anëtarët e partisë tuaj që më shumë rrinë duke pirë duhan para komunës se sa që bëjnë ndonjë punë brenda ka thënë Kushtrim Kadriu.

Zbatoje ligjin anti – duhan në Gjilan, sepse duhani pihet në 99% të kafiterive e restoranteve. Bile kemi fakte se ju z.kryetar rrini në tavolina ku pihet duhani. Por jeni mësu ju me ba filma e mos me ba punë kurrë.

Nuk arrinë gjë duke përhapur frikë në administratë kinse po bëj diçka. Grahi punëve, rrit mirëqenien e qytetarëve të komunës sonë, hap vende pune, dërgoji hajnat në burg dhe luftoje nepotizmin se nuk le vend pa futë familjarët e zyrtarëve tuaj ka shkruar Kushtrim Kadriu./rajonipress/