Polonia më e fort se Kosova U19

Në kuadër të Kampionatit Evropian, Kombëtarja e Kosovës U19 ka zhvilluar edhe ndeshjen e dytë me Kombëtaren e Polonisë e cila ishte më e mirë se djelmoshat e Kosovës, ku arritën ti mposhtin me rezultat 4-1.

Me atë se çka treguan futbollistët e Kosovës gjatë 90 minutave, ky rezultat nuk ishte real, “Dardanët” në shumicën e rasteve ishin më të mirë se njomakët nga Polonia.

Gjithçka ishte nën kontroll, por futbollistët e Kosovës në fund të pjesës së parë për pesë minuta kanë pranuar tre gola, çka ka ndikuar në përqendrimin e futbollistëve gjatë tërë ndeshjes.

Në minutën e 40-të, serinë e golave për polakët e hap Maik Nawrocki, ndërsa dy minuta më vonë i njëjti futbollist gjen edhe një herë rrjetën e “Dardanëve”.

Në minutat shtesë të pjesës së parë, Bartosz Bialek shënon golin e tretë duke shkuar në pushim me tre gola diferencë, çka për futbollistët e Kosovës ishte e paarritshëm të bëjnë ndryshim në rezultat.

Futbollistët e Kosovës në pjesën e dytë edhe pse sulmuan nuk arritën që ti konkretizojnë të gjitha rastet.

Në minutën e 88-të, futbollisti i skuadrës Unuin St, Gilloise, Granit Berisha arrinë ta zbus epërsinë e Kombëtares së Polonisë në 3-1.

Në fund të ndeshjes në minutat shtesë futbollistët Kosovar gabojnë edhe njëherë e këtë e shfrytëzon Bartosz Bida i cili vulos çdo gjë në këtë përballje të kualifikimeve.

Në ndeshjen e të njëjtit grup, Rusia e Uellsi kanë ndarë pikët me rezultat 2-2.

Ndeshjen e fundit Kombëtarja e Kosovës e zhvillon me 19 nëntor me Kombëtaren nikoqire Uellsin.

Tabelen e klasifikimit në këtë grup i prinë Uellsi me 4 pikë, Polonia 3, Rusia 2 dhe Kosova 1 pikë./rajonipress/