Politikania kosovare në Suedi, Tina Xhemajli largohet nga partia

Politikania kosovare në Suedi, Tina Xhemajli, e cila është anëtare dhe nënkryetare e Këshillit Bashkiak në Komunën e Staffanstorp në Suedi ka vendosur të largohet nga partia e saj, Partia e të Moderuarve.

“Ekziston një kulturë brenda partisë që krijon disavantazhe për gratë. Sidomos për nënat e reja dëgjohet shpesh se sa e papërshtatshme është që të jesh politikisht aktive”, ka deklaruar ajo

Politikania kosovare në Suedi, Tina Xhemajli, e cila është anëtare dhe nënkryetare e Këshillit Bashkiak në Komunën e Staffanstorp në Suedi ka vendosur të largohet nga partia e saj, Partia e të Moderuarve.

Ajo ka thënë se është e pa kënaqur me trajtimin e grave brenda kësaj partie. Xhemajli ka thënë për programin e lajmeve në televizionin suedez Sveriges se ka një “pikëpamje mesjetare për gruan”, brenda partisë së saj, përcjell albinfo.ch.

“Ekziston një kulturë brenda partisë që krijon disavantazhe për gratë. Sidomos për nënat e reja dëgjohet shpesh se sa e papërshtatshme është që të jesh politikisht aktive”, ka deklaruar ajo, duke shtuar se krejt ndryshe është puna kur bëhet fjalë për burra që bëhen me fëmijë, krahasuar me gratë.

Megjithatë, Xhemajli, kur është pyetur se kush janë njerëzit brenda partisë së saj që u kërkojnë grave të lënë postet e tyre politike brenda partisë vetëm se janë gra, ajo ka refuzuar të japë ndonjë emër.

Xhemajli do vazhdojë të mbajë pozitat e saj si anëtarë e Këshillit Bashkiak ku është edhe nënkryetare.

http://www.albinfo.ch/politikania-kosovare-ne-suedi-tina-xhemajli-largohet-nga-partia/