Politikani shqiptaro-zviceran për legalizimin e kanabisit

Ai ka kërkuar dhënien e kontrolluar të kanabisit për të evituar dëmet shëndetësore që shkakton konsumimi i egër i kësaj droge që në treg ofrohet me cilësi të dyshimtë.

Një postulat i shprehur në Parlamentin e St. Gallenit nga deputeti me rrënjë shqiptare, Etrit Hasler e ka sjellë shqiptaro-zviceranin në qendër të vëmendjes. Ai ka kërkuar legalizimin e kanabisit, gjegjësisht dhënien e kontrolluar të tij, për të evituar dëmet shëndetësore që shkakton konsumimi i egër i kësaj droge që në treg shpeshherë ofrohet me cilësi të dyshimtë.

Për “një politikë të arsyeshme të Kanabisit”, e ka quajtur Hasler kërkesën e tij parlamentare të cilën e kanë nënshkruar 30 deputetë, që është rreth gjysma e përbërjes së Parlamentit. Për më tepër në këtë rast nuk kanë qenë vetëm politikanët e majtë (Hasler është socialdemokrat) ata që e kanë nënshkruar postulati. Aty janë bërë bashkë edhe deputetë nga partitë e djathta s SVP, BDP dhe CVP.

Sipas Etritit, drogat që të rinjtë i konsumojnë duke i siguruar në tregun ilegal mu d të shkaktojnë rreziqe të mëdha për shëndetin e tyre. Përgjigja e ekzekutivit të qytetit St. Gallen la qenë çuditërisht pozitive. Përparësitë në rast se kanabisin do ta jepte shteti në mëyrë të kontrolluar janë të dukshme: Shteti do ta kontrollonte kualitetin ndërsa edhe gjatë shitjes do të krhej punë parandalimi ndërsa nga ana tjetër do të kursehej edhe puna e policisë.

Prova të ngjashme tashme janë duke rrjedhur në Bazel dhe Gjenevë, shkruan blick.ch. Ndëra Hasler ka thënë pe¨r gazetën “Më gëzon fakti që qeveria e qytetit është e gatshme të realizojë politikën e saj përparimtare dhe liberale të drogës”. Ekzekutivi i St Gallenit ka treguar vullnetin që ta lejojë kanabisin dhe jo vetëm produktin gjysmë sintetik (THC) për qëllime mjekësore.

albinfo.ch