Politikani shqiptaro – zviceran: LDK dhe PDK nuk e kanë kuptuar që diaspora tashmë është e fituar nga një ‘larje truri’
RajoniPress
07:32, 2 Dhjetor, 2025
| 8 muaj më parë
Politikani shqiptari-zviceran, Korab Rashiti ka shkruar se partitë politike LDK dhe PDK dhe partitë tjera kanë humbur diasporën nga zvicra.
Sipas tij, shqiptarëve që jetojnë dhe veprojnë në zvicër u është ‘shpëlarë truri nga LVV.
Postimi:
Partitë politike si LDK, PDK e të tjerat nuk e kanë kuptuar që në Zvicër, në terrenin që unë e njoh shumë mirë, diaspora tashmë është e fituar nga një “larje truri” – fjalë për fjalë. LVV është në partneritet me Partinë Socialiste, dhe Partia Socialiste, përmes sindikatave në mjediset profesionale, e orienton votën jo vetëm për vetveten, por edhe indirekt për LVV-në dhe për “grupin”, siç i quaj unë, që sillet rreth ambasadës.
Lidhjet mes Partisë Socialiste dhe LVV-së duken prej kilometrash larg.
PDK dhe LDK nuk kanë fare bashkëpunim me partitë e djathta në Zvicër, edhe pse ato janë shumicë në qeveri federale që nga viti 1848…Zvicer!
Gjithçka po u shpëton nga duart; nuk po e kuptojnë aspak as çka po ndodh këtu në Zvicër, as pasojat elektorale që kjo i ka në Kosovë.
