Politikanët e rinj të Erdoganit, mysafirë në selinë e BIPBM-së

Të premten e 9 shkurtit, një delegacion nga Turqia, përfaqësues të AK Parti të presidentit Erdogan, patën kënaqësinë të takohen në selinë e Bashkësisë Islame për Preshevë, Bujanoc dhe Medvegjë (BIPBM), të cilët në mënyrë vëllazërore i priti Myftiu i Luginës së Preshevës, Nexhmedin ef. Saqipi dhe stafi i tij drejtues, i këtij institucioni të lartë fetar.

Qëllimi i kësaj vizite ishte njohja për së afërmi për zhvillimet politike, kulturore e fetare, në vend dhe rajon, si dhe mundësitë e ngritjes së bashkëpunimit të ndërsjellë në mes rinisë turke dhe asaj shqiptare në Luginë të Preshevës.

Myftiu i Luginës së Preshevës, Nexhmedin ef. Saqipi, i cili njëherit është edhe z/reis i Rijasetit të Bashkësisë Islame të Serbise, gjatë këtij takimi u shpreh falënderues për popullin turk dhe krerët e tij institucional, për kujdesin që po tregojnë dhe për ndihmën, të cilën po e ofrojnë për ta zhvilluar Luginën e Preshevës, në të gjitha sferat e veprimtarisë njerëzore.

Jetapress, bënë të ditur se pjesë e delegacionit nga Turqia ishin: İskender Karakaya- nënkryetar i rinisë së Partisë për Drejtësi dhe Zhvillim AK – Parti, njëherit kryetar për marrëdhënie me jashtë, pastaj Enes Yaylacı, anëtar i kryesisë së rinisë së Partisë për Drejtësi dhe Zhvillim, anëtar i kryesisë së rinisë së Partisë për Drejtësi dhe Zhvillim dhe shef i kabinetit të Kryeministrit, të gjithë udhëheqës të kësaj partie të drejtuar nga presidenti turk Rexhep Taip Erdogan./jetapress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).