Policia sërish në aksion, arrestime në Viti, Gjilan e Artanë

Gjilan – Në tri raste të ndara policia ka arrestuar personat e kërkuar nga Gjykata në Viti, Gjilan dhe Artanë.

Në rrugën “Adem Jashari”, në Viti në bazë të urdhëresës së lëshuar nga gjykata, është arrestuar një mashkull shqiptar dhe i njëjti është dërguar në vuajtje të dënimit.

Edhe në rrugën “Medllin Ollbrajt”, në Gjilan në bazë të dy urdhëresave të lëshuara nga Gjykata Themelore në Gjilan, është arrestuar një mashkull shqiptar dhe i njëjti është dërguar në vuajtje të dënimit.

Edhe në fshatin Kuvcë e Epërme, në Novobërdë në bazë të urdhëresës së lëshuar nga Gjykata Themelore në Gjilan, dega në Novobërdë, është arrestuar një mashkull shqiptar dhe i njëjti është dërguar në vuajtje dënimi./rajonipress/