Gjilan – Në fshatin Kabash, të Vitisë është arrestuar i dyshuari mashkull kosovar pasi që gjatë kontrollit në shtëpinë e tij i është gjetur dhe sekuestruar një AK/47. I njëjti pas intervistimit me vendim të prokurorit është dërguar në mbajte.
Në rrugën e Prishtinës, në Gjilan është arrestuar i dyshuari mashkull kosovar pasi që tek i njëjti është gjetur dhe konfiskuar substancë e dyshuar narkotike e llojit heroinë me peshë rreth 2.6 gram. Gjatë kontrollimit të shtëpisë së të dyshuarit dhe objekteve përcjellëse është gjetur dhe konfiskuar dy peshore elektronike, një foli dhe tre telefona celular. Pas intervistimit me vendim të prokurorit i dyshuari dërgohet në mbajtje.
Edhe në rrugën “Zija Shemsiu” në Gjilan janë arrestuar dy të dyshuar meshkuj kosovarë pasi që të njëjtit është gjetur dhe konfiskuar substancë e dyshuar narkotike e llojit marihuanë me peshë rreth 13.4 gram. Pas intervistimit me vendim të prokurorit të dyshuarit dërgohen në mbajtje njoftoi policia e Kosovës./rajonipress/
