Policia Rajonale e Gjilanit sqarohet për ndeshjen Gjilani – Liria

Gjilan – Incidenti i ndodhur pas ndeshjes Gjilani – Liria e vlefshme për Vala Superligën e Kosovës në futboll nga disa grupe të vogla të tifozëve jashtë stadiumit të qytetit në Gjilan, ka bërë që Policia Rajonale e Gjilanit të del me njoftim për sportëdashësit dhe qytetarëve të saj.

Në një njoftim të cilin e ka bërë të ditur major Remzi Azemi ndër të tjera thuhet.

“Ne si Polici si para ndeshjes njëashtu edhe pas saj e kemi patur situatën në dorë dhe gjithçka ka qenë nën mbikëqyrjen tonë, me të përfunduar ndeshja një grup prej disa individësh jashtë stadiumit kanë gjuajtur në drejtim të autobusit të mysafireve, kemi intervenuar me të gjitha masat dhe kemi penguar që incidenti mos të zgjerohet. Ne si Polici e dënojmë çdo gjë që prishë imazhin dhe rendin e qetësin publike, ne kemi pasur edhe falënderime të posaçme në intervenimin tonë nga klubi i Gjilanit dhe Lirisë.
Ndërsa lëndimi i futbollistit të Lirisë, Memaj është bërë gjatë lojës dhe na vjen shumë keq për atë lëndim dhe ne i dëshirojmë shërim sa më të shpejt” ka thënë Remzi Azemi./rajonipress/