Policia qëllon kosovarin me plumb, jashtë rreziku për jetën

Prokurori kishte urdhëruar arrestimin e dy personave të dyshuar. Kur dy policë kishin shkuar pranë makinës ata ishin sulmuar nga njëri prej kosovarëve.

Një njësit special i Policisë së Kantonit Vaud në natën në mes të të hënës dhe të martës ka qëlluar me armë zjarri një person nga i cili ishte sulmuar. I qëlluari, një kosovar, ka pësuar plagë në bark por është jashtë rrezikut për jetën, shkruanazonline.ch.

Ngjarja ka ndodhur në një kamping në Chessel (VD), pasi që një person i tretë pas një konflikti të dhunshëm me dy kosovarë kishte bërë një kallëzim penal. Ai në kallëzimin e tij kishte deklaruar se kosovarët në fjalë e kishin kërcënuar me vrasje dhe ia kishin treguar një revolver. Nisur nga kjo, prokurori kishte urdhëruar arrestimin e dy personave të dyshuar, transmeton albinfo.ch.

Kur dy policët e parë të njësisë speciale kishin shkuar pranë makinës në kamping, ata ishin sulmuar nga njëri prej kosovarëve, i cili i kishte goditur ata me një shufër hekuri. Një polic i tretë, fillimisht kishte paralajmëruar dhe pastaj kishte qëlluar personin e armatosur me shufër hekuri, duke e goditur në bark përcjell albinfo.ch shkrimet nga mediet zvicerane.

Policia është shprehur se pjesëtari i saj që ka qëlluar me armë do të jetë në dispozicion të prokurorisë në rrjedhën e mëtejme të procedurës.