Policia në rajonin e Gjilanit bashkë me inspektorët e AVUK-ut, mbrëmë realizuan kontrolle të përbashkëta

Gjilan – Policia e Kosovës dhe inspektorët e AVUK-ut mbrëmë kanë realizuar një kontrollë të përbashkët në kuadër të planit Operativë në parandalim dhe respektim të masave nga Udhëzimi i Qeverisë dhe ligji për masat anticovid-19.

Gjatë aktiviteteve në teren janē gjetur parregullsi ku në këto raste janë shqiptuar gjithësejt tetëdhjetë e dy tiketa (82) për mos mbajtje të maskës për mosrespektim të orarit të lëvizjes që parasheh kohën nga ora 22:30-05:00 dhe për organizime të ahengjeve të ndryshme.

Në komunën e Gjilanit dhe Ranillugut nga inspektorët e AVUK- ut të asistuar nga Policia e Kosovës janë mbyll dy lokale, një “Diskotekë”, dhe një lokal nate.

Aktivitete të përbashkëta parashihen të realizohen edhe me tutje, në parandalim dhe respektim të masave nga Udhëzimi i Qeverisë dhe ligji për masat anticovid-19 ka njoftuar Ismet Hashani./rajonipress/