Policia në kërkim të Mefail Shkodrës, dyshohet për tre viktima, polica dhe prokuroria në mbyllje totale

Gjilan – Shkon në tre numri i të vdekurve në Gjilan, kurse policia dhe prokuroria sikur të kishte ndodhur rasti në Bangladesh, të mbyllur totalisht për informacion të saktë për mediet dhe qytetarët.

Policia e Gjilanit ka lëshuar një njoftim se është në kërkim të dyshuarit Mefail Shkodra i dyshuar për vrasjet e ndodhura në Gjilan.

Deri në këto momente dyshohet se tre persona kanë vdekur kurse as policia e as prokuroria ende nuk kanë dhënë asnjë informacion zyrtar për identitetin e të vdekurve.

Njoftimi dhe kërkesa për bashkëpunim e policisë së Gjilanit

KATEGORIA E VEPRËS PENALE
•Vrasje e rëndë

PËRSHKRIMI:
Emri mbiemri: Mefail Shkodra
Datëlindja: E panjohur
Adresa e banimit: Gjilan
Komuna: Gjilan

Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim të lokalizimin dhe arrestimin e të dyshuarit, lëshon këtë kërkesë për bashkëpunim me qytetarë dhe mediat.

Policia e Kosovës, Drejtoria Rajonale Gjilan kërkon nga qytetarët dhe mediat që kushdo që ka informacion për vendndodhjen e personit në foton e bashkangjitura, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kujdestarë:192; 03850807001.

Të dhënat e juaja do të ruhen në konfidencialitet të plotë.