Policia në Kamenicë do të përkrah institucionet komunale në zbatimin e ligjit

Kamenicë – Drejtori Ramadan Basha i njoftoi me shkeljet ligjore që bëhen nga disa biznese si në aspektin e shfrytëzimit të hapësirës publike po ashtu edhe te zhurma e madhe që krijohet në qytet. Edhe komandanti i policisë shprehi gatishmërinë që të përkrahë institucionet komunale në zbatimin e ligjit.

Drejtori i Drejtorisë së Shërbimeve Publike, Ambientit dhe Inspekoratit Ramadan Basha me stafin e tij pritën në takim Komandantin e Stacionit Policor në Kamenicë z. Nazif Hajrizi me bashkëpunëtorë si dhe disa nga pronarët e bizneseve (kafiterive) që operojnë në komunë.

Drejtori i DSHPAI-së, Ramadan Basha i njoftoi me shkeljet ligjore që bëhen nga disa biznese si në aspektin e shfrytëzimit të hapësirës publike po ashtu edhe te zhurma e madhe që krijohet në qytet.

Të pranishmit u njoftuan se nuk do të ketë tolerime te asnjë rast i vetëm dhe se çdo lokal duhet të zbatojë me përpikëri kriteret e shënuara në lejen përkatëse.

Edhe komandanti i policisë shprehi gatishmërinë që të përkrahë institucionet komunale në zbatimin e ligjit. Pas diskutimeve edhe nga ana e pronarëve të bizneseve ata u pajtuan që në të ardhmen të zbatohet ligji si për zhurmën ashtu edhe kriteret tjera të parapara me ligj.

Drejtori Basha u zotua se tani e tutje nuk do të ketë zhurmë jashtë rregullave në qytet si dhe do të kujdeset për zbatimin e kritereve të shfrytëzimit të hapësirave publike./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).