Policia konfiskon mall të kontrabanduar në Pogragjë

Gjilan – Në fshatin Pogragjë të Gjilanit njësiti policor gjatë patrullimit ka ndaluar automjetin me targa të huaja të cilin kishte qenë duke e drejtuar i dyshuari mashkull shqiptarë shtetase i Serbisë dhe Kosovës.

Gjatë kontrollit në automjet është konstatuar se i dyshuari kishte pas të ngarkuara kurora të ndryshme të varrezave, buqeta me lule artificiale si dhe pajisje tjera të kurorave për të cilat i dyshuari nuk kishte pas dokumentacion përcjellës.

I dyshuari duke iu shmangur kontrollit kufitar me qëllim të përfitimit personal jashtë vendkalimit kufitar nga territori i Serbisë kishte hyrë në territorin e Kosovës. Mallrat janë dërguar në doganën e Kosovës për vlerësim dhe sekuestrim, ndërsa i dyshuari me urdhër të prokurorit është liruar në procedurë të rregullt njoftoi policia e Kosovës./rajonipress/