Policia konfiskon armë, fishekë dhe tri granate dore në Drobesh të Vitisë

Viti – Njësitet Policore nga stacioni policor i Vitisë, në fshatin Drobesh, me urdhëresë të Gjykatës, kanë bërë bastisjen e shtëpisë dhe lokaleve përcjellëse të të dyshuarit shqiptar shtetas i Kosovës dhe gjatë bastisjes kanë gjetur dhe konfiskuar: Një armë e gjatë AK 47, prodhim kinez, me një karikator si dhe me tre fishekë kalibër 7.62 mm, 270 fishek të ambalazhuar kalibër 7.62 mm si edhe 15 fishek kalibër12 mm të pushkës së gjuetisë.
Po ashtu brenda shtëpisë janë gjetur dhe tri granata dore.

Në ora 20:30 Njësia IEDD dhe Forca e Sigurisë se Kosovës, kanë tërhequr mjetet e dyshimta nga shtëpia e të dyshuarit, tri granata dore prodhimi Jugosllav tipit M-52 dhe i kanë larguar nga vendi i ngjarjes.

I dyshuari është arrestuar dhe pas intervistimit në prani të mbrojtësit të tij, ndaj të njëjtit me vendim të prokurorit i lëshohet vendimi për ndalje në qendrën e mbajtjes për 48 orë njoftoi Ismet Hashani./rajonipress/