Policia konfiskon armë e municion në Viti e Kamenicë, në Gjilan, shënohet edhe një vjedhje në një objekt fetar

Gjilan – Në Viti është arrestuar i dyshuari kosovar për shkak se gjatë kontrollit në shtëpinë e tij është gjetur dhe konfiskuar një revole me 9 fishekë. Në konsultim me prokurorin, i dyshuari pas intervistimit është liruar në procedurë të rregullt.

Edhe në Kamenicë gjatë kontrollit te i dyshuari mashkull kosovar i është gjetur dhe konfiskuar një armë gjuetie me dy copë fishekë. I dyshuari është intervistuar dhe me vendim të prokurorit, është liruar në procedurë të rregullt.

Kurse në Gjilan ka pasur vjedhje në një objekt fetar.

Ankuesi kosovar ka raportuar se një person i panjohur dyshohet se ka hapur me dhunë kasafortën e një objekti të kultit fetar dhe nga aty ka vjedhur një sasi të parave që ishin mbledhur për bamirësi. Rasti nën hetime njoftoi policia e Kosovës./rajonipress/