Policia gjermane kap 39 kosovarë që po hynin ilegalisht në Gjermani

Policia doganore e Gjermanisë, gjatë kontrollimit të një kombibusi, në një vend parkim në autostradën A 3 afër Hengersberg-ut, dje ka hasur në një rast të rëndë të futjes ilegale të huajve në Gjermani.

Në hapësirën e ngushtë të minibusit Mercedes Sprinter ishin futur 9 persona, të gjithë nga Kosova. Aty ishin vendosur 14 burra, 9 gra dhe 16 të mitur të moshës në mes 3 e 15 vjeçar, që ishin pa dokumente valide .

Dy kontrabandistët, njëri gjerman (33) dhe tjetri bullgar (45) janë arrestuar dhe ndaj tyre kane filluar hetimet.

39 klandestinët janë strehuar në një qendër hetimesh në Hengensberg, ku është bërë përpunimi i të dhënave të tyre dhe janë vënë nën përkujdesje të autoriteteve policore, shkruan ëochenblatt.de, transmeton Albinfo.ch.

Pas kësaj faze, ata, me një autobus pritet të dërgohen në Qendrën e Pranimit të Azilkërkuesve në Munih.

Dy trafikantët, me kërkesën e prokurorisë i janë dorëzuar gjykatës në Deggendorf, e cila do të vendosë mbi masat ndëshkuese që do t`u shqiptohen.